Unu echipagiamentu àudio-vìdeo portàtile de sos prus modernos chi at a permìtere a su personale ispecializadu de sa Politzia de Istadu de collire testimoniàntzias dae sas fèminas vìtimas de violèntzia fintzas fora de sos aposentos istitutzionales: in domo, in ospidale, in sas domos amparadas.
Est s’aparechiadura donada a sa Cuestura de Nùgoro dae Soroptimist Nùgoro cando mancant pagas dies a s’8 de martzu, in s’àmbitu de sa campagna internatzionale “Orange the World” pro s’uguagliàntzia de gènere, promòvida dae sas Natziones Unidas.
Sa collaboratzione intre sa Cuestura de Nùgoro e Soroptimist sighit dae medas annos, paris contra a cada forma de violèntzia contra a sas fèminas.
E in s’àmbitu de sas initziativas pro s’8 de martzu, sa Politzia de Istadu sighit cust’annu puru sa campagna de preventzione “Questo non è amore”, in sos tretos prus travigados de sa tzitade, chin unu banchitu informativu.
Mariantonietta Piga
Leave a comment