Eris a de note si nch’est morta Liliana Cano, pintora sarda de primore. Aiat norantasès annos e aiat coladu totu sa vida a intro de su mundu de s’arte. Nàschida in Gorìtzia in su 1924 dae babbu e mama sardos fiat ghirada cando aiat binti annos. Aiat inghitzadu a insingiare arte e posca, in sos annos Setanta, est tzucada a fora de Sardigna traballende in Ispània e Frantza e fatende mustras in Itàlia e in Europa. Nebode e fìgia de artistas, est sa mama de Igino Panzino, artista sardu reconnòschidu comente unu de su mègius in s’ìsula. Torrada a Sardigna in sos annos Noranta est divènnida unu nùmene de gabbale de su panorama artìsticu sardu, chi como est in corrutu pro sa pèrdida sua.
Gabriele Tanda
Leave a comment