Sa IA Informàtica de s’Istitutu Attilio Deffenu de Terranoa at bintu pro sa Sardigna sa de trintunu editziones de su Rally Matematico Transalpino in sa categoria C9, pro sas primas superiores, riservada a sos istitutos tècnicos.
A sa finale, disputada in su Polo Tècnicu Devilla de Tàtari, sunt arribadas classes in rapresentàntzia de iscolas de Aristanis, S’Alighera, Nùgoro, Tàtari e Terranoa. Su torneu, chi sa de ocannu est s’ùrtima editzione, fiat dedicadu a istitutos tècnicos e litzeos iscientìficos.
Sa professora de matemàtica de sa IA de s’istitutu Deffenu, dirìgidu dae Stefano Stacca, est Sara Santandrea. Sos pitzocheddos fiant acumpangiados puru dae sos professores Valeria Zirolia e Salvatore Taras e dae sa coordinadora de sa classe Antonietta Confalonieri.
Custos sos nùmenes de sos istudiantes: Mattia Accalai, Mirko Antoniello, Manuel Barreras, Jacopo Bua, Manuel Campus, Gianluca Carta, Alexander Carzedda, Federico Cassetta, Alessandro Casu, Paolo Chisu, Daniele Dibari, Nicolò Farina, Andrea Malesa, Andrea Mariano, Giovanni Maria Mette, Guglielmo Mutzu, Darius Petrescu, Filippo Pinna, Alessio Piredda, Alex Pitta, Antonio Poggi, Mattia Remolif, Massimiliano Sanna, Michele Varrucciu.
(redatzione)
Leave a comment