Oe 15 de nadale inàugurant sa Biblioteca Heinz Jurgen Wolf de istùdios linguìsticos e de limba sarda. Sa sede est in carrera Dante Alighieri 19, Nùgoro, in sos locales de s’ANMIG, “Domo de sos mutilados”.
Wolf, nàschidu in su 1936 e mortu in su 2016, fiat istudiosu de limbas romanzas e aiat dedicadu tempus e passione a su sardu.
A pustis de sos saludos de Lorenzo Palermo, presidente de s’assòtziu mutilados e de Laurence Wolf-Shrestha, fìgia de su linguista tedescu, intervenint Diegu Corraine e Antonello Garau, de sa Sotziedade de sa limba sarda. Sunt previstos sos interventos de sos sìndigos de Fonne, Gavoi, Lodine, Mamujada, Ollollai, Orgòsolo, Ortzai, Ovodda, Ulìana, Biddamanna.
In prus est prevista sa presentatzione de su libru de Wolf Pro sa limba sarda de cras: Istùdios de linguìstica sarda 1992-2016 e s’inauguratzione de sa mustra Limba de Sardigna, Itàlia, Europa.
(redatzione)
Leave a comment