A bìndighi dies dae s’iscadèntzia pro presentare sas candidaduras pro sas eletziones regionales, su tzentru dereta at seberadu su sìndigu de Casteddu, Paolo Truzzu, comente ghia de sa coalitzione. Dae su chi s’ischit dae un’ala b’at sa Lega, su PSd’Az e àteras duas listas tzivicas cun su guvernadore; dae s’àtera oto listas cun Fratelli d’Italia. Su Presidente de sa Regione, però, non nde cheret s’intesa de lassare su rolu suo. Eris a pustis de una reunione de oto oras, est essidu a campu su nùmene de Truzzu; oe sa Lega at decraradu chi Solinas abarrat e chi s’adòbbiu de su bator fiat un’arresonada, ma nudda chi potzat serrare sa chistione.
Su disafiu est intre Salvini e Meloni, Truzzu e Solinas sunt sos atores de una cummèdia polìtica chi s’est iscriende in Roma. Sa Lega cheret sa continuidade cun sas amministratziones chi bi fiant, una genia de sustennu a su chi ant fatu, ma mescamente una manera pro non pèrdere positziones chi como non podent prus amparare. Meloni, a s’imbesse, cheret pònnere polìticos de s’ala sua pro àere prus ligàmenes cun su territòriu e sighire a crèschere.
Gabriele Tanda
Leave a comment