Donald Trump no v’è ancora turraddu, ma la Casa Bianca già no li bastha. Li so’ paràuri, ditti a funi iscioltha lu 7 di ginnàggiu, no érani di fàziri pribisioni. Pó assé chi pa’ eddu no v’éra nudda di mégliu di dí a cuminzu di l’annu nobu, ma finza a tandu lu presidenti erettu paria pussibbiristha pa’ l’althri: pa’ la Russia i’ lu Donbass e pa’ lu gubennu israelianu i’ lu resthu di li terri paresthinési (althra cuba è la chistioni zinésa in Taiwan). Abà eddu à fabiddaddu di lu canari di Pànama e di la Groenlàndia, dizendi chi li vo contrullà (cu’ la fozza econòmica o addirittura miritari no lu pudimmu sabbé). Finza a abà érami fèimmi a lu capíturu di Elon Musk chi vuria occupà lu pianeta rúiu. Ma li nobiddai so i’ lu matessi mamentu più mudesthi e più pirigurosi. Cumenti finirà chisthu romanzu?
