Sa Consulta Regionale pro su Tzìnema est istada rinnovada. A pustis de su pàrrere de sa Cummissione Consiliare cumpetente pro sa cultura s’organismu consultivu torrat a partire tenende comente cumponentes sos rapresentantes de sas diferentes categorias chi formant parte de su mundu de su tzìnema. Sos membros sunt:
Paolo Angioni, comente autore tzinematogràficu.
Guglielmo Aru, chi rapresentat sos sòtzios de tzìnema sardos.
Marco Cocco, in rapresentàntzia de sos crìticos o professores de matèrias tzinematogràficas.
Daniele Monachella, in rapresentàntzia de produtores, distribudores e esertzentes.
Nevina Satta, diretora de sa Sardinia Film Commission.
Totu sos cumponentes sunt istados seberados a pustis de una seletzione.
Sa Consulta Regionale pro su Tzìnema, chi est presèdida dae s’assessore a sa Cultura o dae unu delegadu suo, at a abarrare in càrriga pro totu sa legisladura.
(redatzione)
Leave a comment