Su TERMCAT, Tzentru de Terminologia de sa limba catalana, at presentadu s’atividade sua a sos istudentes de su cursu de Tradutzione e Interpretariadu de s’ Universidade “Pompeu Fabra” de Bartzellona.
Sa terminòloga Marta Sabater at bogadu a lughe sas fainas de su Tzentru e sas siendas didàticas chi interessant in manera particulare sos tradutores e sos intèrpretes, ponende in craru cantu contat su protzessu de normalizatzione terminològica e su tratamentu de sos imprèstidos ispetzializados.
Sos addòvios che a custu intrant a pare cun sa lìnia de collaboratzione de su TERMCAT cun sas universidades e sos tzentros de formatzione superiore, ca faghent connòschere sos servìtzios e sas resursas suas a sos usuàrios venidores.
