Dae pagu si podet cunsultare un’infografia interativa noa chi presentat sos ùrtimos tèrmines normalizados dae su Cunsìgiu Supervisore de su TERMCAT.
S’infografia presentat unos cantos esàgonos chi cunsentint de intrare a sos campos temàticos de sos tèrmines. In custa ùrtima editzione sos tèrmines sunt sa zoologia (mammìferos), sa criminalìstica, s’economia (fiscalidade), sas prataformas audiovisuales, su turismu, sa seguresa alimentare e su deretu. Cando si sèberat unu campu essint, in una colunna, sos tèrmines comente sunt istados propostos in sa fase de istùdiu, e, in s’àtera colunna, sa forma chi in fines est istada aprovada dae su Cunsìgiu Supervisore. Si si ponet su puntadore in cue subra, si podet cunsultare sa definitzione de cada tèrmine.
(sa redatzione)
Leave a comment