"Tene tene", sos contos pro pitzinnos in cuncursu

Iscadint su 20 de trìulas sos tèrmines pro pòdere pigare parte a su cuncursu “Tene tene” (inoghe su bandu) aprontadu dae Catartica edizioni e lòmpidu a sa de bator editziones. “Tene tene” est una collana pro sa pitzinnia (dae sos 6 a sos 13 annos). Sos contos, inèditos e in italianu, devent «apassionare sos minores a sa letura». Su tema est “Domani non può aspettare” (i più piccoli ai tempi del covid)”. Est dae inoghe, dae su deretu a s’istrutzione e a sa sotzialidade de sos pitzinnos, chi sos autores devent mòvere pro sos contos issoro. Cada autore, sena lìmites de natzionalidade e de tzitadinàntzia, podet presentare unu contu ebbia. (màuru piredda)