Si morit traballende. Ma si morit finamentas pro difèndere su traballu. A pagas dies dae sos corfos pigados dae sos traballadores FedEx in Tavazzano, unu sindacalista at pèrdidu sa vida trabentadu dae unu càmion cara a su magasinu Lidl de Biandrate. Adil Belakhdim est mortu comente fiat acontèssidu a Abd Elsalam Ahmed Eldanf, in Piacenza, chimbe annos a como, finamentas issu traballadore de sa logìstica. Ite semus bidende? Cale est su film? Cale est sa regia? A su presente totus sunt mudos: sa polìtica non s’espressat cara a custa violèntzia, a custa gherra de classe a s’imbesse. Ma mancu in Sardigna, sa terra de Buggerru, si nde faeddat meda: ca sunt fatos italianos? Ca semus contra a sa logìstica e a sa grandu distributzione?
màuru piredda
Leave a comment