Su progetu CANTIERE (Consapevolezza e Azioni per un Network sui Temi Infortunistici e sui Rischi in Edilizia), presentadu oe 23 de trìulas in Tàtari, intrat in sa fase operativa.
Est un’initziativa de sa Formedil – Ente Unico per la Formazione e Sicurezza del Nord Sardegna, cun sa collaborazione de s’INAIL, chi dd’at finantziada. Partètzipant finas s’ANCE (Associazione Nazionale Costruttori Edili) Nord Sardegna, Feneal-Uil, Filca-Cisl, Fillea-Cgil, SPreSAL Asl de Tàtari e Gaddura, s’Ispetoradu de su traballu de Tàtari e sa Cassa Edile Centro Nord Sardegna.
Ant faeddadu Marco Foddai e Fiorenzo Piu, vitzepresidente e diretore de sa Formedil Nord Sardegna, su diretore regionale de s’INAIL, Alfredo Nicifero, Marcello Oggianu pro sa Prefetura, Francesco Planetta e Francesca Ferrocci pro s’ANCE, Angelo Spampinato (FENEAL-UIL), Erika Collu (FILLEA-CGIL), Simona Cubeddu e Marco Spiga (ITL Sassari), Graziella Giorgianni (SPreSAL).
A su sero ddo’at àpidu una mesa tunda cun totu sos entes partetzipantes.
(gm)
Leave a comment