Sunt 150 sos candidados chi su 25 de cabudanni ant a cùrrere pro 16 sègios: cussos riservados a sa Sardigna a pustis de sa riforma de su Parlamentu. 11 a sa Càmera de sos deputados e 5 a su Senadu.
E intre sos candidados bi sunt peri esponentes natzionales. Cumintzende cun su Ministru de sos Èsteros Luigi Di Maio, cun su movimentu suo, Impegno Civico, candidadu in su proportzionale a sa Càmera, chi si l’at a gherrare finas cun su vitzeministru a su MISE Alessandra Todde de su M5S.
Su tertzu polo at candidadu sa Ministra de sas Oportunidades parìviles Elena Bonetti; Fratelli d’Itàlia, in su cullègiu senatoriale uninominale de su Nord Sardigna at candidadu a s’ex presidente de su Senadu Marcello Pera, chi si l’at a gherrare cun Gavino Manca de su PD e Marcello Cherchi de su M5S.
In sos 6 cullègios uninominales, pro sa sa Camera, in su cullègiu Casteddu Tzitade metropolitana, si cunfrontant Ugo Cappellacci de Forza Itàlia, Andrea Frailis de su PD e Mauro Congia de su M5S.
In su cullègiu Nùgoro-Aristanis, Barbara Polo (FdI) si la gherrat cun Michele Piras de su tzentrusinistra e Emiliano Fenu de su M5S.
In su Sulcis-Campidanu de mesu, s’assessore regionale a s’ambiente Gianni Lampis (FdI) si cunfrontat cun Loredana La Barbera de su M5s e Franca Fara de su Pd.
In su cullègiu Tàtari-Terranoa, su leghista Dario Giagoni afrontat sa costitutzionalista Carla Bassu de su PD, Mario Perantoni de su M5s.
Pro su Senadu in su Sud Sardigna current sa coordinadora regionale de FdI Antonella Zedda, s’ex retora de s’Universidade de Casteddu Maria Del Zompo pro su tzentrusinistra e Sabrina Licheri, ex sìndiga de Assèmini, pro su M5S.
Mariantonietta Piga