Su TERMCAT at retzidu duos rapresentantes de s’Ufìtziu Pùblicu de sa Limba Brètone (Ofis Publik Ar Brezhoneg – Office public de la langue bretonne, OPLB), chi ant pedidu de connòschere sa base de datos de su tzentru catalanu de terminologia.
S’Ufìtziu Pùblicu de sa Limba Brètone est un’ organismu ufitziale fundadu in su 2010 dae s’Istadu frantzesu, su Cussìgiu Regionale de Bretagna, su Cussìgiu Regionale de sa Lòira e sos chimbe cussìgios dipartimentales brètones. Tenet sa missione de promònere sa limba brètone e s’impreu suo in totu sos campos. Tenet unu tzentru de terminologia pro collaborare in s’isvilupu de su bilinguismu in Bretagna (pro nd’ischire de prus, https://www.fr.brezhoneg.bzh/36-termofis.htm).
Sa terminòloga Marta Grané at fatu unu resumu de sas caraterìsticas de sa base de datos catalana e at torradu imposta a sa preguntas de sos collegas brètones.
