LANGUNE, s’Assòtziu de Indùstrias de sa Limba Basca, in pare cun s’ Unione Federale de Natzionalidades Europeas (FUEN), at postu in caminu su progetu ‘Sas limbas de su tempus venidore. Profetos de s’indùtria de sa limba in s’economia” e at amaniadu in Donòstia sa cunferèntzia Hizkuntzen irabazia. Benefits of language industry in the economy’.Prus de 30 relatores europeos si sunt reunidos pro sensibilizare subra de sa realidade e sa situatzione de 15 minorias linguìsticas. Su terremotu incausadu dae s’intelligèntzia artifitziale in sos ùrtimos annos at postu in perìgulu sa coesistèntzia de sas limbas europeas.S’inglesu est dominende su mundu digitale, lassende in dae segus àteros idiomas, siat egemònicos siat minores e minoritàrios.Sa cunferèntzia at mustradu sas mègius pràticas e sas mesuras adotadas dae unas cantas limbas minoritàrias europeas pro evitare de s’agatare in dae segus in su campu de sas tecnologias noas de su limbàgiu.Sos membros de su cunsòrtziu Linguatec-IA ant leadu parte in manera ativa in su programma de sa cunferèntzia.Tando, in su blocu subra de su tema “Promovimentu de sa cooperatzione intre limbas minoritàrias, digitalizatzione e intelligèntzia artifitziale” ant leadu parte sas coordinadoras de su progetu Linguatec-IA, Itziar Cortes Etxabe (Elhuyar) e Benaset Dazeas (Lo Congrès).Etxabe at informadu subra de su progetu, cando chi Dazeas at craridu ite passos tecnològicos at fatu s’ Otzitània.Pro parte sua, Itziar Aldabe de su tzentru HiTZ at faeddadu de su valore annantu de s’indùstria de sa limba.
