Su 3 e su 4 de cabudanni su Prèmiu Maria Carta festat sos 20 annos cun unu programma ricu, presentadu custu manzanu in sa Càmera de Cummèrtziu de Tàtari.
Su Prèmiu, assignadu sa prima borta in su 2003, l’ant semper dadu a nùmenes famados a livellu natzionale e internatzionale, che a Ennio Morricone, Alda Merini, Carla Fracci e Andrea Parodi.
In ocasione de sos 20 annos, est istada premiada sa cantautora Grazia di Michele, pro àere dadu a sa cantzone de autore italiana unu traju suo personale e annoadore. In prus s’artista dae pagu at peri fatu girare unu ispetàculu ue cantat a Marisa Sannia, cantante sarda de sos Annos ’60.
Sa manifestatzione, promòvida dae sa Fundatzione cun su nùmene de s’artista, cust’annu puru est in s’àmbitu de su progetu Salude e trigu de sa Càmera de Cummèrtziu de su Nord Sardigna.
Mariantonietta Piga