Paba Frantziscu nch’est torradu a s’ìsula de Lesbo a pustis de sa prima bìsita sua de su 2016. «Sorres e frades – at naradu cara a sos migrantes de su Reception and Identification Centre chi at sostituidu su campu pròfugos de ‘Moria’ chi s’annu coladu in cabudanni pigheit fogu –, nche so torra inoghe pro bos nàrrere chi bos nch’isto in s’oru, cun su coro. A inoghe nche so lòmpidu pro bos abbaidare in cara, pro bos abbaidare in ogros. Ogros càrrigos de timòria e de isetu, ogros chi ant connotu violèntzia e povertade, ogros surcados dae làgrimas meda». Frantziscu at cundennadu sos natzionalismos europeos bonos ebbia a artziare muros contra a custos òmines e a custas fèminas. Paràulas chi parent naradas contra a cussos matessi natzionalistas chi, cumportende·si che a sos chi tancheint sas ghennas a Giosepe e Maria, cada annu timent chi b’apat chie nche chèrgiat ispèrdere su nadale.
redatzione
© foto Aigav
Leave a comment