A pustis de annos de disamparu e de ispeculatziones luego su giassu de Mont’e prama at a èssere abertu a sas bìsitas. Sa noa benit dae sa Fundatzione chi dae prus o mancu un’annu est contivigende sos Gigantes e ispartzinende sa connoschèntzia issoro in Europa. Su giassu fintzas a como est istadu istudiadu pagu, cunfrontu a cantu meresset, e valorizadu belle nudda. Ma dae un’annu s’Istadu si nch’est leadu sas tancas cussorgiales e las at postas in sa disponibilidade de sos archeòlogos e como sa noa de s’abertura faghet isperare in su mègius. In prus su bandu pro agatare ideas su comente fàghere sos traballos pro megiorare su gosu de sos chi andant a bìdere su logu in ue ant agatadu sas istàtuas, ponet s’otimismu de su chi podet devènnere pro sa cultura sarda cuss’oru de importu de s’ìsula nostra.
Chie cheret e at sas cumpetèntzias pro propònnere progetos e disinnos lu podet fàghere, dae oe fintzas a duos meses, sighende su chi b’est iscritu inoghe.
(redatzione)
Leave a comment