Sa pellìcula curtza “Su Càntigu De Sas Criaduras De Santu Frantziscu De Assisi”, cun sa regia de Caderina Ponti, torrat a visitare “Il Cantico delle Creature” in limba sarda.
Cun una durada de 4 minutos e 32 segundos, custu traballu festat sos otighentos annos de s’Innu de ringratziamentu a Deus pro sa Creatzione.
Giradu mescamente in Sardigna, custu filmeddu oferit una mirada incantadora a sos paisàgios nostros, dae sa Madalena a Artzachena, dae Porto Cervo a Palau.
Sas imàgines, in ue sa regista ponet in pare traditzione e innovatzione, sunt seberadas cun cuidadu e leant s’essèntzia de sa poesia de Santu Frantziscu de Assisi.
Presentada cun èsitu in su “Festival Pianeta Donna” de Roma, custa òpera proponet una visione apassionante de sa devotzione manna pro su Càntigu e pro s’autore suo.
