Dae su 3 a su 6 de trìulas a Sosso arribat sa residèntzia de artista Le forme dell’acqua tra simbologia, ritualità e cultura a incuru de Maria Grazia Tuveri e de Nicola Nadali. Chimbe artistas ant a creare installatziones e laboratòrios in sa bidda de sa Romàngia, àteros sete ant a operare in su Residence Natura.
Su 3 dae sas 17,00 a sas 20,00 Enya Idda e Chiara Ligi s’ant a atopare cun sa gente in su Palatzu Baronale pro isvilupare un’òpera subra su tema Noi. A sas 18,00 Antonella Muresu at a creare s’òpera subra Memorie dell’acqua, in pratza Santu Pantaleu, cun bestimenta betza regalada dae sa gente de sa bidda.
Chenàbura 4 dae sas 10,00 a sas 10,30 in su sabunadòrgiu comunale Maria Grazia Medda at realizare sa performance L’acqua siamo noi. Dae sas 10,30 a sas 13,00 in su Palatzu Baronale Enya Idda e Chiara Ligi ant a propònnere unu segundu atopu a tema. A sas 17,30 in su sabunadòrgiu comunale installatzione Animo dell’acqua de Monia Pala.
Dae sas 18,00 a sas 20,00 Antonella Muresu at a cumpletare s’òpera colletiva in pratza Santu Pantaleu. Dae sas 19,00 a sas 21,00 ddo’at a àere una performance colletiva in sa Billèllera.
Sàbadu 5 dae sas 8,30 a sas 11,00, Monia Pala sighit s’installatzione in su sabunadòrgiu comunale. Dae sas 19,00 a sas 21,00 in su Palatzu Baronale ant a inaugurare sa mustra de sos artistas, cun sa presentatzione de su crìticu de arte Valentina Calatri. Sa mustra at a èssere aberta finas a su 30 de austu su mèrcuris, sa chenàbura e sa domìniga dae sas 9,00 a sas 13,00 e sa giòbia e su sàbadu dae sas 15.00 a sas 20,00.
Su 6 a sas 20,30 in su putzu sacru de Serra Niedda Maria Grazia Medda at a propònnere sa performance L’acqua ci lega.
S’initziativa est patrotzinada dae sa Comuna de Sosso.
(gm)
Leave a comment