“Sos patimentos de unu giòvanu” de Johann Wolfgang Goethe, òpera traduida in sardu dae Manuela Mereu e publicada dae Condaghes in su 2015 (colletzione Àndalas).
1ª die de nadale
Wilhelm! A ti l’ammentas s’òmine chi t’apo naradu s’àtera die, su disditzadu cuntentu fiat a servìtziu dae su babbu de Lotte comente iscrivanu e l’ischis pro ite si nch’est ischissiadu? Unu sentidu forte l’incadenaiat a Lotte, a sas primas aiat chircadu de lu cuare e a pustis de tempus l’at ismendadu: su babbu nche l’at mòvidu dae s’incàrrigu e issu s’est ammachiadu. Custas paràulas adustas forsi t’ant a nàrrere cantu apo patidu deo sa die chi Albert mi l’at contadu comente chi esseret cosa de nudda e forsis tue puru as a pensare gasi etotu cando l’as a lèghere.