Tzitadinos, rapresentantes de sa politica locale, dirigentes de Coldiretti Nùgoro-Ogiastra, fiant totus presentes, in sa sala consiliare de su comune de Fonne, custu manzanu, pro mustrare solidariedade a su presidente regionale de Coldiretti Battista Cualbu, vìtima, sa chida colada, de un’atentadu: 3 fusiladas contra a sa domo de sa sogra e un’iscrita in sa fatzada.
Unu fatu chi Cualbu non s’isetabat, cundennau dae totu sas istitutziones e sos assòtzios de categoria, chi ant sutaliniadu chi non b’at logu pro sa violèntzia e sas minetzas in unu momentu che a custu, difìtzile pro su cumpartu agrìculu sardu, e non custu ebbia, chi est connoschende unu allarme sotziale pro s’aumentu sena controllu de sos prètzios de su carburante de sas matèrias primas. A s’addòbiu ant leadu parte, in prus de totu sos dirigentes de Coldiretti Nugoro-Ogiastra, su presidente de s’ANCI, Emiliano Deiana, e medas sìndigos de sa provìntzia de Nùgoro.
Mariantonietta Piga