Chenàbura 30 de maju a sas 18,30, in Casteddu, in sa sala Villanova de s’hotel Regina Margherita, in viale Regina Margherita 44, su giornalista e iscritore Alessandro Carlini presentat Se il fuoco ci desidera. Breve storia di Renato Del Din, che l’8 settembre 1943 scelse la libertà (Utet, 2024).
Paris cun s’autore de su libru ddo’at a èssere s’istòricu Roberto Ibba. Del Din, alpinu de sa Divisione Julia, mortu a 21 annu, fiat intradu in sa brigata partigiana Osoppo, fundada in su seminàriu de Ùdine in su 1943.
Carlini, nàschidu in Ferrara, de sa leva de su 1976, iscriet pro s’Ansa e collàborat pro su Corriere del Ticino. Dae custu libru nd’at bogadu s’ispetàculu teatrale Il fuoco ci prenda, chi est finas su regista. At publicadu romanzos puru e sa biografia romanzada Nome in codice: Renata, dedicadu a sa sorre de Renato Del Din, Paola.
S’initziativa faghet parte de sas anteprimas de sa de ùndighi editziones de su Festival Premio Emilio Lussu. Organizat su sòtziu culturale L’Alambicco.
(gm)
Leave a comment