Domìniga 23 de santandria a sas 10,30, in sos locales de s’ex ochidòrgiu de Tàtari, s’Istitutu Bellieni presentat su rendicontu de sas atividades de su 2025.
Ant a retzire sos atestados de partetzipatzione sos chi ant fatu cursos, laboratòrios e seminàrios. A prus de su sardu at a èssere protagonista su tataresu, cun su discu de Beppe Dettori chi at postu in mùsica poesias de Mario Marras.
Maria Daniela Carta e Roberta Tola ant a propònnere animatzione teatrale cun sos pitzinnos.
E in prus ant a presentare sas atividades de chirca, polìtica e filosòfica, e de sos isportellos linguìsticos.
(gm)
Leave a comment