Su Silent Sardinia Festival, eventu caraterizadu dae su fatu chi su pùblicu ascurtat cun sos auricolares, cumintzat su 18 de trìulas in S’Alighera, in su Lido, a sas 19,30. Su segundu apuntamentu est su 19 in Telti, a sas 18,30. Sas àteras tapas sunt Aglientu, Vignola, Longone e Cannigione.
Sa coreògrafa terranoesa Silvia Pinna at a èssere protagonista cun s’ispetàculu Alla ricerca del mio posto, acumpangiadu dae sos laboratòrios creativos a tema ecològicu de sa psicòloga infantile Julie Messina.
A sa fine ddo’at a àere sa Silent Disco Night. Pro prenotare sos auricolares tocat a imbiare unu messàgiu a su 324 6096565. Pro su nolègiu ddoe cheret unu documentu de identidade.
Su Silent Sardinia Festival, chi su diretore artìsticu est Michele Moi, est promòvidu dae sa Roerso Mondo ETS de Artzaghena e tenet s’agiudu de su Next Generation UE, de su Ministèriu de sa Cultura, de sas amministratziones gadduresas, de sa Fondazione di Sardegna e faghet parte de su tzircùitu Salude&Trigu de sa Càmera de Cummèrtziu de Tàtari.
(gm)