Cantante e fundadore de sos Angelic Upstarts, Thomas “Mensi” Mensforth si nch’est mortu a pustis de s’ùrtima batalla sua, cussa contra a su covid. Pagas dies a como su fìgiu aiat publicadu unu post in sa pàgina Facebook de su grupu istòricu de su punk inglesu narened chi a Mensi nche l’aiant ricoveradu in terapia intensiva: «Est unu gherradore e cada die gherrat. S’isperu est chi cun s’àteru post potzamus cumpartzire noas positivas». Mensi est una de sas figuras prus nòdidas de su punk chi nch’at artziadu a su parcu sa càusa antifascista, sotzialista e de sa classe traballadora inglesa e mundiale. Nàschidos su 1977, s’esòrdiu de sos Angelic Upstarts est de s’annu a pustis cun su sìngulu “The Murder of Liddle Towers” (“Police Oppression” in s’àteru ladus): una denùntzia contra a sa violèntzia de sa politzia. Cantzone nòdida issoro est finamentas “Solidarity”. Mensi aiat 65 annos.
redatzione
Leave a comment