Oe in Bruxelles, s’assessore regionale de sa sanidade Mario Nieddu, su sutasegretàriu a sa salude Andrea Costa, su responsabile de s’Unidade de progetu pro nche ispèrdere sa pesta suina Giovanni Filippini, ant addoviadu su diretore de sos Servìtzios veterinàrios de sa Commissione Europea, Bernanr Van Goethem pro faveddare de s’esportatzione de sa peta de porcu dae sa Sardigna, firma pro neche de sa pesta suina africana.
A dies de oe sos controllos sunt fitianos e non s’agatat mancunu focolaju ativu. Sa Sardigna, sighende sos inditos detzisos in s’ùrtimu addoviu fatu in santandria de su 2021, at imbiadu unu pianu de atzione a Bruxelles chi, intre sas ateras cosas, previdet unu documentu cada mese pro informare sa Commissione Europea e su Ministeru de s’andamentu de sas misuras de preventzione. Datos chi ant a servire a detzìdere, intro su 15 de nadale, si sa Sardigna at a pòdere torrare esportare sa peta de porcu.
Mariantonietta Piga