S’assòtziu Dolci Accenti paris cun sa Hof-Musici de Praga, dirìgida dae Ondrej Macek, presentat, a intro de su festival Note senza tempo, Scarlatti 300.
Sos apuntamentos sunt su 28 de trìulas a sas 21,00, in su chiostro de Santa Maria in Tàtari, su 29 in Santu Lussurzu, in sa crèsia de Santu Pedru e su 30 in Casteddu Sardu, in pratza della Misericordia, cun sa collaboratzione de sa promoter Liliana Forina.
Protagonistas ant a èssere su sopranu Kamila Zbořilová e su mesusopranu Daniela Čermáková, acumpangiadas a su violontzellu baroco dae Daniele Cernuto, a sa tiorba, artziliutu e chiterra baroca dae Calogero Sportato, cun Ondrej Macek a s’òrganu.
In programma duas cantadas a boghe sola, Brevità dell’inquieta vita de Cristofaro Caresan (1640-1709) e Gionto il fatal di de Francesco Provenzale (1632-1704) e duas cantadas de càmera de Scarlatti, Lidio e Clori e Doralbo e Niso.
Su festival, parte de sa retza internatzionale REMA e de su tzircùitu Salude&Trigu de sa Càmera de Cummèrtziu de Tàtari, tenet su cuntributu de R.A.S., Fondazione di Sardegna, comunas de Tàtari, Uri, Portu Turres e Monteleone.
(gm)
Leave a comment