Si nde leamus una facultade privada pulliesa, Tàtari e Casteddu sunt intra sas universidades italianas prus nepotistas. L’at publicadu su cuotidianu on line de su “Corriere della Serra” contende de una chirca curiosedda fata dae unu chertadore precàriu. S’istudiosu at collidu totu sos sambenados de sos professores universitàrios de totu s’Itàlia e at analizadu cantas bias curriant sambenados uguales. Resultados seguros: sunt prus de 4 mìgia sos parentes de primu o segundu gradu chi sunt presentes in sos ateneos italianos.
Custu fatu est meda prus dannàrgiu in su Meridione de s’Itàlia chi non in su Setentrione. E difatis, foras de un’ateneu privadu pulliesu, sa segunda e sa de tres positzione in custa classifica fea la tenent sas universidades nostras de Tàtari e Casteddu chi duncas non si sunt distinghidas pro su bonu, ma pro su malu.
E sos retores siant dèpere impitzare de custu, in capas, non de brigas de corte subra su respetu de règulas e de limbas istandarizadas ca non dd’ischint nudda.
Leave a comment