Sàbadu 7 de nadale s’est concruida sa de binti editziones de su Sardinia Film Festival de Tàtari, inaugurada su 3 de nadale e dedicada a curtzumetràgios de animatzione. At bintu The night boots, de su regista frantzesu Pierre-Luc Granjon.
Su prèmiu de sa crìtica est andadu a Signal, de Emma Carrè e Mathilde Parquet; su prèmiu riservadu a sas iscolas de tzìnema a L’Avegle, de Remy Xu, de sa ECV de Parigi, cun una signalatzione ispetziale pro La Bande a Bonnot, de sos istudiantes de sa École George Melies; su prèmiu Green a What now?, de sos istudiantes de sa École Mo Pa; su prèmiu Visioni a Dagon de Paolo Gaudio; su prèmiu Giuria Giovani, assignadu dae sa 2ª G de su Polo Tecnico Devilla, cun sas professoras Susanna Loche e Monica Marras, est andadu a Scuritate, de Marta Anselmi, Miriam Ceribelli, Dario Lauritano e Anna Xiccanto de su tzentru isperimentale de tzinematografia de su Piemonte.
Su Festival at dedicadu puru unu Omaggio a Hayao Miyazaki e allo Studio Ghibli, cun sa projetzione de unas cantas pellìculas de s’autore nipònicu.
At organizadu su Cineclub Tàtari cun patrotzìniu e cuntributu de R.A.S., Fondazione Sardegna e Comuna, in collaboratzione cun Sardegna Film Commission, Ficc, Afic, Cartoonitalia e Cityplex Moderno.
(gm)
Leave a comment