Sant'Antoni de su fogu in Catalugna e s'Alighera

Sant'Antoni de su fogu in Catalugna e s'Alighera

Sant’Antoni de su fogu est una festa de importu in tretos medas de su Mediterràneu. In Sardigna cun sos fogos de custa die nòdida incumintzat su Carrasegare. S’Alighera leat sas traditziones sardas e las aunit cun cussas de sa Catalugna fintzas dae s’Edade de Mesu. Pro torrare a iscobèrrere s’erèntzia de contos e de paristòrias a subra de custu personàgiu su Dipartimentu de Iscièntzias Umanìsticas e Sotziales de s’Universidade de Tàtari e sa Comuna de s’Alighera ant sustènnidu sa publicatzione de Sant Antoni del foc. Redescoberta de una tradició essidu pro sa domo de imprenta Edes e contivigiadu dae Giovanni Strinna.

In su libru (chi si podet iscarrigare incarchende inoghe), Francesc Ballone, diretore didàticu de sa Escola de alguerés “Pasqual Scanu”, at rielaboradu in aligheresu e in una manera noa sa paristòria sarda de Sant’Antoni; Carla Valentino, tradutora e mastra de aligheresu, at contadu sa festa e at bortadu in iscritura sas cantones populares chi intendiat cando fiat minore, Giovanna Tilocca, at fatu sas chircas in sos archìvios pro s’istòria de sa crèsia e s’ispidale de Sant’Antoni de s’Alighera.

 

(redatzione)

Leave a comment

Send a Comment

S'indiritzu email tuo no at a èssere publicadu.