Gigi Datome est unu giogadore de sos Detroit Pistons. Su terranoesu. Mpv de su campionadu passadu cun sa Virtus de Roma, est duncas su primu sardu de semper a giogare in s’NBA e in sa lega l’ant a addobiare àteros tres italianos: Gallinari (Denver Nuggets), Andria Bargnani (New York Knics) e Belinelli (San Antonio Spurs). L’at annuntziadu isse e totu in su profilu suo de Facebook eris a borta de die: “Apo detzisu de devènnere unu giogadore de sos Detroit Pistons: penso chi potzat èssere su logu prus profetosu pro megiorare sa carriera mea, e pro cumprire su bisu de una bida. So cuntentu mannu de m’aunire a s’iscuadra de Detroit”