“S’acontèssida istrana de Dr. Jekyll e Sr. Hyde” de Robert Louis Stevenson, òpera traduida in sardu dae Càrminu Pintore e publicada dae Condaghes (Colletzione “Àndalas”).
Sena duda custu assentu li fiat lèbiu a Sr. Utterson, pro ca fiat serradu de su totu, e finas sas amighèntzias suas pariant fundadas in una règula de printzìpios bonos.
Si est modestu, s’òmine depet retzire sa cumpangia de sos amigos suos gasi etotu comente sa sorte bi l’at porrida, e custa fiat sa faina de s’abogadu.
Sos amigos suos fiant de su pròpiu ereu suo, o los con- noschiat dae tempus meda; sos afetos suos, che a s’èdera, creschiant cun su tempus, sena tènnere bisòngiu de manìgiu perunu.
Leave a comment