“S’acontèssida istrana de Dr. Jekyll e Sr. Hyde” de Robert Louis Stevenson, òpera traduida in sardu dae Càrminu Pintore e publicada dae Condaghes (Colletzione “Àndalas”).
Su testamentu fiat ològrafu, sende chi Utterson, mancari ae- ret atzetadu de lu tentare como chi fiat fatu, si fiat refudadu de agiuare a l’iscrìere; su documentu istabiliat chi non de chi si si nch’esseret mortu Henry Jekyll, M.D., D.C.L., L.L.D., F.R.S.2, etc., totu sas siendas suas depiant andare a su «amigu e benefatore suo edward Hyde» ma finas chi si esseret acontès- sidu chi Dr. Jekyll «s’esseret ispèrdidu o si esseret mancadu dae domo pro prus de tres meses» cussu edward Hyde nume- nadu in antis, aeret dèpidu pigare sa parte de Henry Jekyll, sena isetare de prus, e sena perunu òbligu nen pistighìngiu, francu chi pro su pagamentu de carchi sisinu a sos tzeracos de su dotore.