“S’acontèssida istrana de Dr. Jekyll e Sr. Hyde” de Robert Louis Stevenson, òpera traduida in sardu dae Càrminu Pintore e publicada dae Condaghes (Colletzione “Àndalas”).
Cussu sero Utterson fiat torradu a sa domo sua de bajanu, fiat de mala muta e si fiat sètzidu a si chenare sena de nd’àere agradu. in dies de domìniga bi l’usaiat, a pustis chenadu, a si sètzere in s’oru de su fogu cun unu cale si siat libru anneosu de tema religiosu, finas chi su rellògiu de sa crèsia acanta to- caiat su mesunote, tando si nche corcaiat chietu e soddisfatu. Su note, però, deretu a pustis chi sa mesa fiat isparitzada, nch’aiat leadu una candela e si nche fiat andadu a s’istùdiu suo. in ie aiat apertu sa cassaforte, nch’aiat tentu dae su logu prus istichidu unu documentu chi giughiat iscritu in sa bussa: «Su testamentu de Dr. Jekyll», e si fiat sètzidu cun sa cara annuada iscura a lu lèghere.
Leave a comment