“S’acontèssida istrana de Dr. Jekyll e Sr. Hyde” de Robert Louis Stevenson, òpera traduida in sardu dae Càrminu Pintore e publicada dae Condaghes (Colletzione “Àndalas”).
Tando fiat a nche leare su dinari; e intzertade a ue est chi nos nch’at batidu, si non pròpiu inoghe, cara a custa ghenna? Nch’at bogadu una crae, at apertu, est intradu e deretu a pustis nch’est essidu cun deghe isterlinas de oro e un’assegnu pro sa banca Coutts, pagàbile a sa bista e cun sa firma de una persone chi como non faghet a la numenare, mancari siat una de sas cosas prus pretzisas de su contu meu; si trataiat belle gasi de unu nùmene nòdidu meda e a bias bogadu in sos giornales puru.
Leave a comment