Sa situatzione est niedda

Sa situatzione est niedda

Sa sanidade in Sardigna est in dificultade manna: non s’agatant mèigos pro sos sardos e sos turistas, sos ispidales sunt serrende sos repartos e de bìsitas, finas de apretu, non si resesset a nde fàghere. Su Presidente Solinas aiat promissu s’abertura de ispidales noos, ma fintzas sos chi bi sunt non bi la faghent a andare a dae in antis pro neghe de sos problemas chi pertocant sa Regione. Sos mèigos de famìllia in carchi logu mancant e sas bàrdias turìsticas sunt in chirca de dutores pro cobèrrere sos postos bòidos. Nieddu, s’assessore de sa sanidade, est proende a mutire personale paghende·lu a giorronada, meda de prus, e como est istadu custrintu a firmare sas visitas intramoenia in sos ispidales, ca sos tempos de isetu de una bìsita, cun su servìtziu pùblicu, sunt divènnidos tropu longos.
Finas a custu beranu s’apretu fiat su Covid, ma como su disacatu de sa sanidade sarda est craru a totu cantos, e b’intrant pagu sos apretos: su problema est sa gestione e sos sèberos fatos a dae in antis dae sa polìtica sarda.

(redatzione)

Leave a comment

Send a Comment

S'indiritzu email tuo no at a èssere publicadu.