de Salvatore Serra
In custa època digitale cun sa cale si cunfrontant pessones e impresas, sa chistione de sa seguresa tzibernètica s’est faghende cada die semper prus de importu. Sa resone est chi su cambiamentu digitale s’agatat in unu terrinu ludosu cando si tratat de garantire sa seguresa e sa privadesa de sos datos.
In cuncretu, sa lòmpida de s’ Intelligèntzia Artifitziale in sas vidas nostras at cumportadu una revolutzione manna in contu de automatzione de sos protzessos. Sos profetos pro sas impresas sunt mannos. Però a bortas sa IA, in tames de èssere un’amiga, est un’inimiga pro su chi pertocat sa protetzione de sas infrastruturas digitales nostras. Sa chistione est chi sos tentativos de trampa sunt andende e aumentende: su 42,5% de sas trampas b’intrant cun sa IA e, de custas, belle su tres unu tenent èsitu.
Custos sunt sos datos de tènnere in contu:
-
Sa IA est presente in su 73% de sas trampas cun fura de identidade
-
Sa IA at a favorire su 74% de sas furas de identidade in su tempus venidore
-
In sos ùrtimos tres annos in su setore finantziàriu b’at àpidu un’aumentu de s’80% de tentativos de trampa, impulsados in parte da s’adotzione de sa IA
-
Sas noas farsas (cuntènnidos audiovisuales o documentos chi parent autènticos) sunt aumentadas meda
-
Su 38% de sa pèrdida de intradas benit dae atacos ordimingiados dae sa IA
-
Sa casta de trampas prus comuna est sa fura de contos B2B.
Duncas tocat a tènnere sas resursas pro parare fronte a su problema. Custos podent èssere sos remèdios:
-
A pònnere sistemas de relevamentu fundados in sa IA
-
A fàghere preventzione cun grados diferentes de seguerssa informàtica.
-
A agiuare una collaboratzione prus manna in su setore.
Sa protetzione de s’identidade, duncas est sa prima lìnia de defensa, e tocat a megiorare sighende custas lìnias ghia:
-
Verìfica automatizada de s’ identidade de s’ usuàriu
-
Ischemas natzionales de identidade digitale
-
Supervisione sighida de datos pro s’autenticatzione
-
Firmas eletrònicas vinculantes dae su puntu de vista legale.