Sa Sardigna, dae su 30 de cabudanni a su 2 de santugaine in Firentze, at partetzipadu a su Tourisma, su salone internatzionale de s’archeologia e de su turismu culturale. Una manifestatzione chi a oe est s’ocasione prus importante in Itàlia pro promovere a livellu internatzionale su patrimoniu nostru.
S’organizadore, Piero pruneti, diretore de sa rivista Archeologia Viva, cust’annu pro sa Sardigna at desinnau unu ispàtziu de primore, dende·li sa possibilidade de ammaniare unu percursu emotzionale de contos e istòrias, de paesàgios de mare e de monte chi at ammajau sos visitadores cun sos arrastos archeològicos suos ispantosos.
A sa manifestatzione ant leadu parte totu sos amministradores de sas biddas e de sos territòrios sardos ue s’agatant sos sitos archeològicos prus importantes, e prus visitados, e sa Fundatzione Mont’e Prama.
Mariantonietta Piga