Rita Pittalis, una pitzoca medievista de Nùgoro, at faeddadu in sa Festa de sa Limba Ufitziale de Òschiri a manera galana e funguda emotzionende e tochende su coro de totu sos presentes. Riportamus inoghe totu su chi at naradu sa die.
Unu saludu a totus e unu ringraziamentu a Pepe pro m’àere muttidu a faeddare in custu addòbiu de importu mannu pro sa terra nostra.
No bos apo a tratènnere meda ,fintzas si sas cosas de nàrrere subra sa limba e subra sa Sardigna sunt fintzas prus de medas!
Dae sèculos sa bella terra de Amsìcora est comente una tzeracca: mantesa in cadenas , serrada in ogros e presa in limba; una tzeracca chi incùrbiat sa conca nen podet pompiare nè faeddare: su mere tirannu chi atera limba faveddat l’impedit!!
Est comente un’ischiava chi cheret faeddare in sa limba sua ma li benit negadu dae unu pòdere radicadu in logu angenu!
Ma cussa tzeracca,cu ss’ischiava,est fintzas mama; una mama de unu pòpulu fieru, una mama chi ischit de nuscos galanos, comente sos montes, ascussòrjas e su mare nostru,c hi at ogros de isteddos…
su chelu de Sardigna sun sos ocros de custa mama …
ma ite est de una mama chi su fìgiu amaaa e ammentat pro totu vida si non sa limba?! Limba durche,chi cantat de amore, de amistade ,ma fintzas de morte, de dolore,chi bajulat pro si fàghere intèndere, pro ischidare sor fìgios, cussos matessi fìgios chi tenent su dovere de la cussiderare e difendere!!
Su faeddu intrat in su coro…e custa mama nostra chi est sa Sardigna faeddat una limba, chircat de faeddare una limba chi dae tropu tempus su mere faghet callare, ca cussa mama, pesende sa conca, muttinde cun sa boghe de sos babbos sos fìgios podet bogare su populu conchistadore e tirannu, chi galu oe chircat de pònnere su pee in conca e sa manu in buca ca ischit chi pesende-si cussos fìgios diant vendicare cussa mama!!
Trattada dae tropu tempus comente cosa de totus , in ue cada istràngiu podet detzidire e cumandare, forzis pessende chi cussos fìgios mai ant a tènner esu coràgiu de gherrare paris: est sa borta bona de dàere a bìdere chi non semus galu ,comente aiat nafu unu mussegnore de meda tempus fachet, pacos locos y mal unidos e chi si una mama pesat chentu fìgios custa borta milli fìgios tentant una mama!!
Grassias….
Brava meda. Pius che ischiava faeddende in sardu deviat narrer isclava o isciaa. Cumprendo chi no est fatzile ca medas peraulas istranzas an leadu su postu de cussas sardas, ma fagher un’obera de recuperu no diat esser male.
In nugoresu si nata ischiavu..e l’apo nau in nugoresu!
Deo non soe una pitzianna c’ata imparau a manna a faveddare in sardu,l’apo semper faveddau dae minore..iscrau in nugoresu cheret narrer ateru!!
Grassis meda.
Rita Pittalis
Brava meda, mi ses piachida in sas paraulas e in su sentidu. Forsi tottus umpare resessimus a metzorare e a torrare a faeddare sa limba nostra
bravissima ! prozi cante non minne prango su chi at natu it poesia.