Su 19 de santandria in Wellington, capitale de sa Nova Zelanda, ddo’at àpidu una manifestatzione de unas 40 mìgia persones, cunforma a sos datos ufitziales de sa politzia, organizada dae sos maori in dae in antis de su parlamentu, contra a unu progetu de lege presentadu dae sa majoria de guvernu .
Sa proposta, de su partidu ACT, diat cambiare su tratadu de Waitangi, firmadu in su 1840.
Su documentu de su de deghennoe sèculos, iscritu in inglesu e in maori, istabilit chi sa soberania de s’artzipèlagu est de sa Corona britànnica e chi sos maori tenent su deretu de propiedade de sas terras issoro e de difèndere sos interessos issoro.
In custu modu est istabilida una coabitatzione de duas autoridades diferentes.
Sa motivatzione pro custa proposta de càmbiu est chi totu sos neozelandesos diant dèpere tènnere sos matessi deretos, incruende sos immigrados, sena de favorire una cumponente ètnica ebbia. Sos maori, dae parte issoro, timent imbetzes chi siant cantzellados sos deretos issoro antzestrales.
(redatzione)
Leave a comment