Sàbadu 7 de làmpadas, pro s’ùrtimu sero de sa de batòrdighi editziones de Primavera a Teatro, Tàtari at tentu comente protagonista sa dantza.
In su teatru Tzìvicu si sunt esibidos ballerinos professionistas e dischentes puru.
Ant balladu Cassandra Bianco, de sa cumpangia Fabula Saltica, chi at propostu Eco di silenzio, e Rafael Candela e Carmine Dipace, de sa cumpangia Ariella Vidach Aiep, chi ant ofertu a su pùblicu Blue.
In prus ant balladu sas pitzocheddas de s’iscola de dantza Extemporanea, ghiadas dae Marta Bullitta, de sa cumpangia Estemporada.
At organizadu sa manifestatzione s’assòtziu Danza Estemporada cun su patrotzìniu de sa Comuna, de sa Regione, de su Ministèriu de sa Cultura, de sa Fondazione di Sardegna e de s’assòtziu culturale Artemide.
(gm)
Leave a comment