Sàbadu 13 de nadale aberit s’espositzione de su presèpiu de pane in sa crèsia de Nostra Segnora de Tàlia in S’Ulumedu.
Est un’òpera colletiva, promòvida dae sa Comuna e ddo’ant partetzipadu finas sas dischentes de su cursu cun Maria Talia Tidore e Mariella Pinna.
A pustis de sa beneditzione de preìderu Paolo Secchi, in crèsia ant a cantare su Coro Polifonico Incantos de S’Ulumedu e sa Corale Vivaldi de Tàtari.
Comente ghias ddo’ant a èssere sos pitzocheddos de s’ùrtimu annu de dotrina. Sos oràrios sunt 9,30-12,30 e 15.00-19-00, ogna die finas a su 6 de ghennàrgiu.
Organizat sa Pro loco.
(gm)
Leave a comment