Sa domo de imprenta Condaghes, paris cun S’Unione Sarda presentant cun praghere su traballu nou de Zosepe Coròngiu “Il Sardo una lingua normale”
Su libru, publicadu pagos meses a como, est boliende un’arresonu de importu in sos mèdios massivos regionales, cun acadèmicos e intelletuales mentovados in su libru.
Est sa prima bia, dae cando est essidu chi su libru lu presentant a sa gente.
“Il sardo una lingua normale”, l’ant a presentare chenàbura 29 de Santandria a sas 17.30 in s’aposentu de sas cunferèntzias de s’Unione Sarda.
Ant a chistionare cun s’autore sos giornalistas Antoni Muroni e Vitu Biolchini.
Le Lucide de Lucido Sottile ant a lèghere carchi cantu de su libru.