Cras, chenàbura su 21 de martzu de su 2014, in Terranoa, Cursu Umberto 64, a sas 18.00, in sos locales de sa “Biblioteca Civica Simpliciana” ant a presentare su libru “Il sardo una lingua normale” de Pepe Coròngiu. A ordimingiare s’abboju est istadu s’Assessoradu de sa Cultura de sa Comuna de Terranoa.
Sos chi ant a contivizare s’abboju ant a èssere su Diretore de sa Biblioteca Marco Ronchi e su collaboradore Antonello Budroni pro sa manifestatzione “Primavera con gli autori”.
Istèrrida a incuru de Roberto Carta, istudiosu de cultura sarda, chi nd’at a arresonare cun s’Autore.
At a lèghere carchi pàgina de su libru, s’atore de teatru, Nino Pericu. At a sighire sa dibata cun su pùbblicu.
In s’ìnteri, sa presentada imbeniente de “il sardo una lingua “normale” est disinnada pro sàbadu 29 de martzu in S’Alighera. Si comintzat a sas 18.00 in sa sala Meta, in sa pratza de su Portale de sa tzitade catalana. Isterret Giuliana Portas e arresonat cun s’autore Sara Alivesi.