de Giuseppe Pepe Coròngiu
Ite at a èssere custu ciù ciù ciu intre Micheli Pinna e Attilio Mastino?
M’ant naradu chi sos duos, a custa ghirada, si cherent bene meda. Los ant bidos finas in Bono a abratzos mannos a s’ùrtimu cunvegnu chi at fatu iscandulare sos catalanos ca fiat totu in italianu.
Ma a si podet? O forsis s’amigàntzia noa cun sa famìlia Mastino prevèdit unas cantas regalias do ut des? Intre sas cales pònnere a banda su sardu faeddadu e torrare a s’avesu tristu de iscrìere locandinas e fàghere cunvegnos totus in italianu?
Curiosu pro unu chi at at s’ambìssia de èssere unu lider de su Movimentu Linguìsticu.
Ma s’amigu Micheli, cuntentu meda de sa mirada ditzosa de su Retore chi lu carculat, resesset finas a si nde ismentigare de cantu s’autoridade tataresa màssima apat cuntrastadu su sardu in s’universidade, o nessi, favoressidu cuddos professoreddos chi non cheriant fàghere letziones in sardu. Faghende dannu a issu puru, a Micheli, chi in sos annos de su retoradu de Mastino nche l’ant postu a banda de su totu dae s’universidade de Tàtari.
Sindrome de Stocolma? Totu ismentigadu.
Oe, pro Micheli, su Retore <rivendica per l’Università di Sassari un ruolo di centralità scientifica e culturale, dinanzi all’esigenza di valorizzare la lingua sarda, di studiarla, d’insegnarla e di praticarla, in tutti gli ambiti della vita pubblica e privata (???!!!)>.. e finas chi Mastino < si dichiara d’ accordo, persino, sull’unitarietà della lingua sarda, di contro ad un luogo comune, scientificamente privo di fondamento, che talvolta divide, nelle loro consapevolezze, sos de su Cabu de bassu e sos de su Cabu de susu (??!!)>.
In custa ocasione su professor Pinna si nde ismentigat imbetzes de su documentu chi su Retore aiat firmadu contra a sa Limba Sarda Comuna paris cun sos professores de sa cummisione limba sarda (cuddos chi a Pinna non lu cheriant), ma chi pro fortuna est chistidu bene finas in sa Retze e publicadu dae La Nuova Sardegna. Tando Mastino naraiat chi <…sa limba no esistit, est unu nudda, unu battile, unu trastu calesisiat, comente sa ‘limba sarda comuna’> e finas chi < non cherimus imparare custa limba bòdia, chene istoria, chene sambene, chentza bida chi sun fravicande commo in carchi sostre. Pro connòschere sa Sardigna non bastat faveddare su sardu. Pro custu nois abbarramus in su caminu nostru>.
Cussu de s’italianu? Coerèntzia o oportunismu? Mah….
In cantu a coerèntzia però finas Micheli Pinna est curiosu ca non s’est poderadu de iscrìere in Facebook chi fiat de acordu cun chie cheriat blocare una lege (chi b’est in totu sas regionaes italianas) pro permìtere su prolugamentu de cumandu o de mobilidade a dirigentes. Issu forsis fiat cumbintu chi fiat una lege ad personam comente medas.
E non fiat gasi, ca serbiat petzi pro prenare unu bòidu legislativu chi so seguru chi a dae in antis o a pustis at èssere prenadu.
Ma de custa contrariedade de Micheli Pinna a sas leges ad personam, nemos at faeddadu (mancu issu) cando su Cussìgiu Regionale nd’at fatu una ispetziale pro s’Istitutu Bellieni de su cale issu est su mere.
Difatis cun sa Lege Regionale 7 agosto 2009, n.3 “Disposizioni urgenti nei settori economico e sociale” (chi s’agatat inoghe http://www.regione.sardegna.it/j/v/1270?s=121612&v=2&c=&t=1&anno=), a s’artìculu 9 “Disposizioni a favore dell’istruzione, della cultura, dello spettacolo e dello sport” comma 10 lett. M, aiant apostivigadu “per la gestione e l’attività istituzionale, per l’anno 2009, la spesa di euro 100.000 a favore dell’Istituto Camillo Bellieni di Sassari (UPB S03.02.005)” e istituidu su capìtulu SC 03.0350. Posca, in su 2011, in sa Lege Regionale 19 gennaio 2011, n. 1 Disposizioni per la formazione del bilancio annuale e pluriennale della Regione , legge finanziaria 2011 (chi agatas inoghe http://www.regione.sardegna.it/j/v/1270?s=159210&v=2&c=&t=1&anno=) in s’art. 1 comma 20, si podet lèghere: <20. La spesa di cui all’articolo 9, comma 10, lettera m), della legge regionale 7 agosto 2009, n. 3 (Disposizioni urgenti nei settori economico e sociale), è rideterminata a decorrere dall’esercizio finanziario 2011, in euro 100.000 annui (UPB S03.02.005)>. Est una manera de pònnere a regime cuddu finantziamentu.
Duncas una lege “ad istitutum” o “ad pinnam” chi at apostivigadu 100 mìgia èuros a s’anno pro unos cantos annos (ca sa chistione est andada a dae in antis galu, ma sas tzifras podent èssere cambiadas) a favore de s’istitutzione dirìgida dae professor Pinna.
Oviamente totu custu est legale e legìtimu e su Cussìgiu Regionale bene at fatu a premiare unu sòtziu chi traballat pro sa limba sarda. Su chi est discutìbile est pro ite a su Bellieni emmo e a àteros nono. Pro ite sos àteros ant dèpidu partitzipare a garas, bandos, seletziones e protzedimentos a evidèntzia pùblica pro traballare e Micheli Pinna imbetzes nono?
Tando, cando si faeddat contra sas leges ad personam, tocat a tènnere s’armuà bùidu e sa coerèntzia a proa de bomba. Ca prus de sas cumpetèntzias, chi sena duda bi sunt, balent de seguru sas relatas cun sa polìtica. Nessi cussa chi est in Cussìgiu Regionale.
Ma in cue finas sa coèrentzia no est massissa.
Gasi comente si diat pòdere fàghere in polìtica bidende chi s’amigu Pinna si nd’est andadu a pasigiare in Tàtari cun esponentes de partidos chi non fiat su suo.
E finas a pagos annos a como gasi naraiat de sos chi abandonaiant su partidu suo. <Certo Tullio Saba potrebbe essere uno dei tanti che sale e che scende sull’autobus a noleggio del PSd’Az ma non è ai passeggeri che devi darne la responsabilità ma al conducente che lo consente e al bigliettaio. Ma in un partito che fa il pieno da sé qualche passeggero abusivo in più o in meno sarebbe anche una cosa risibile; diventa però tragico quando con questi abusivi pensiamo di fare il carico del viaggio>
(bie http://www.sardegnaeliberta.it/ragione-solidarieta-pazienza-e-resistenza/)
Ma galu de prus faghent sas positziones suas a dies de oe ca est andende a bratzete cun gente chi cheriat a isconcare su servìtziu limba sarda e b’est resessidu.
Ma de custos gasi naraiat pagu tempus a como: <Non seguirei mai le indicazioni di politica linguistica date dai cosiddetti “Rossomori”, il cui segretario attuale Gesuino Muledda, già assessore regionale ai tempi della Giunta Melis, fu tra quelli che bocciarono in aula la proposta di una legge regionale di politica linguistica approvata qualche legislatura dopo su proposta del gruppo consiliare sardista, la 26/97. I “Rossomori” sostengono oggi una linea di politica linguistica retrodatata, dove ancora fanno capolino vecchie ideologie e vecchi pregiudizi linguistici che intendono dividere il sardo in due macro aree: la cosiddetta area logudorese e quella campidanese. E’ una grande sciocchezza. Infatti in questa logica le aree linguistiche della Sardegna non sarebbero due ma 377, tante quante sono i comuni della Sardegna.> http://www.istituto-bellieni.it/blog/?p=7
E duncas, su Movimentu Linguisticu e sos amantiosos de limba sarda si podent fidare de unu gosi? E sos operadores chi traballant cun issu lu lassant andare gosi sena frenu a si alleare cun sos innimigos prus mannos de sa càusa pro interesseddos de pagu contu?
Gasi si perdet late e casiddu. E sos pagos postos de traballu ant a èssere semper prus in perìgulu.
Ma mi creo chi sos chi traballant cun issu l’ant a fàghere a resonare ca cherent abarrare in intro de su Movimentu Linguìsticu e non fora.
Foto de Salvatore Taras