Bustianu, in sa presentada de su libru “sardo una lingua normale ” de Peppe Corongiu, Casteddu su 29-11-13, ispiegat comente s’impotentzia coluniale, maladia de sa cale patint sos sardos, siat in ateros campos e puru sa limba los at fatu intendere incapatzes de difendere sos diritos culletivos de sa natzione sarda e los at acorralados in sa defensa de tretos semprer prus minores e cando si defendent tretos minores binas sos bhighinos sunt inimigos cantu sos dominadores de sa natzione. In sa limba custa maladia at criadu 1.600.000 linguistas, dongi sardu est linguista in su tretu suo e lu defendet chin fortza cumbintu chi binghende isse est binta sa batalla de sa limba sarda intrea. Est pro sa maladia de s’impotentzia coluniale chi sos sardos si intrintzerant in sa defensa de sa musca caddina e lassant morrere su caddu. Veros puddos de Rentzo, si sipitzulant tra issos imbetze de si rebellare paris contra a chie che los cheret ponnere in padedda. Su chi est galu peus est chi cussa maladia, s’impotentzia coluniale’ at ammaloradu sos sardos puru in sos ateros campos, politica, ecunomia e puru in su seperu de sa bandera natzionale.
Bide su vìdeo http://www.youtube.com/watch?v=p6mIOFmbeW8&feature=share