Sèberos de Sarvadore Serra leados dae s’òpera “Domo de Jordi” de Antoni Arca
publicada dae NOR in su 2017 (colletzione Isteddos).
Jordi, chi non nde podet prus, narat chi est un’idea bella de a beru, e lu narat in catalanu, cun totu sas intonatziones giustas pro fàghere a cumprèndere chi est brullende, e Dellafrancesca bortat onni paràula in s’inglesu americanu suo. Tando resurtat chi s’iscena est custa, custa de Cadaqués, e chi sas fèminas agabbant de lu persighire in su museu Dalí. A sa fine, cando l’agatant, issu est de profilu ma, cando si fùrriat a s’àteru chirru, est trucadu de Salvador Dalí e, ponende·si su profumu, narat: «Emmo, deo so Salvador Dalí!».
Leave a comment