Bìculos de literadura #12 (Domo de Jordi)

Sèberos de Sarvadore Serra leados dae s’òpera “Domo de Jordi” de Antoni Arca
publicada dae NOR in su 2017 (colletzione Isteddos).

Jordi, in mudandas e camisa aberta s’est gosende su sole, su mare e sa visione de cuddas tres piseddas bellas prenas de pees, de ancas, de carenas, de imbìligos, de nàdigas, de costàgios, de titas, de cabigros, de dentes, de bucas, de pilos chi si sunt colorende a su sole, ùmidas de crema solare che mele. E issu s’intendet che un’abe ammachiada dae sos frores: meda meda e bellos bellos, pro cumprèndere dae chie cumintzare sa sutzada.