Frantziscu Pigliaru at presentadu su programma de guvernu suo.
Unu programma mannu e longu, prenu de sustantivos e agetivos chi punnant a donare assèliu a chie lu leghet: “serietà”, “affidabilità”, “comunione e solidarietà”, “tutti insieme”, “ottimismo”, “fiducia”, “efficiente”, “traguardi ambiziosi” e gai a sighire.
E lu narat fintzas a craru: “Cominciamo il domani significa assumere la responsabilità di guidare la nostra isola tra il 2014 e il 2019, restituendo ai sardi ottimismo e fiducia nel futuro. Un ottimismo basato su cose concrete e progetti responsabili. Non su slogan e propaganda.”
Chie chircat su programma in pitzu a sa polìtica linguìstica agatat pagas rigas, duas cambas o pagu prus, iscritas a manera de lassare abertas sas ghennas a cada interpretatzione, ma cun un’istocada manna, crara, a sa polìtica linguìstica fata in custos ùrtimos deghe/bìndighi annos.
“Cominciamo il domani significa dare centralità alla nostra identità e quindi affrontare il tema della lingua sarda che non si riflette in sterili slogan e dubbie politiche ma trova coraggio e sostanza nel riconoscimento di un bilinguismo reale in ossequio alla politica dell’UE nei confronti delle lingue regionali in attuazione dell’articolo 22 della carta europea dei diritti fondamentali. In questo contesto la promozione della lingua sarda nelle sue varianti linguistiche non è soltanto una questione di identità, di rispetto della storia e delle tradizioni culturali della Sardegna, ma apre prospettive di sviluppo nel campo della scuola, del lavoro e della rappresentanza politica.”
A lassare sas ghennas abertas no est de profetu: su ditzu antigu nos ammentat chi “a jannas abertas sos canes b’intrant”.
Frantziscu Pigliaru, vostè podet èssere prus craru? No est de acordu cun su documentu chi esponentes de su Partidu Democràticu (e de su Movimentu Linguìsticu) matessi ant imbiadu a vostè? Sos collegas universitàrios de vostè l’ant cumbintu chi no amus fatu una polìtica linguìstica de cabale? Ite nde pensat de s’istandard impreadu dae sa Regione? Ite diat megiorare? Ite diat mudare? L’ischit chi semus chirchende de sighire sas àndalas trassadas dae sas polìticas linguìsticas de sas àteras minorias linguìsticas europeas (sa catalana in antis a totu)? Vostè narat chi est contra a “sterili slogan e dubbie politiche” fatas dae sa polìtica linguìstica sarda: comintzet tando vostè a fàghere a mancu de nos nàrrere “cominciamo il domani significa impegnarsi per il futuro dei nostri ragazzi, che sono il futuro per tutti noi ”, “cominciamo il domani significa dare centralità alla nostra identità”, cominciamo il domani per iniziare una strada che vogliamo percorrere tutti insieme “cominciamo il domani significa assumere la responsabilità di guidare la nostra isola tra il 2014 e il 2019, restituendo ai sardi ottimismo e fiducia nel futuro”
Cappellacci e Milia in s’ùrtima Cunferèntzia Regionale de sa Limba Sarda ant naradu chi dae su chi s’est fatu non si podet torrare a in segus: vostè lu cheret fàghere? Nàrgiat·nos·lu. Nessi ischimus su chi nos isetat si l’amus a votare: amus a ischire si sighire una positzione de avanguàrdia o si depimus torrare a in segus.
“COMINTZAMUS SU CRAS” O “COMINTZAMUS S’IN CRAS”?